rekaaz
  • الصفحة الرئيسية
  • عن ركاز
  • المشرف العام
  • الإدارة
  • الحملات
  • صوت وصورة
  • المنتدى
  • المدونة
  • اتصل بنا

المدونة

في 4 ابريل 2010
عدد الزيارات 12513
عدد التعليقات 2

ـ أبو حمد: حاولت، لكن صعبة صعبة صدقني يا بو نوري.

أبو صخر: أي بدلها، وليش ماتبدلها؟؟ ما يكلفك شي وأنا بعلمك على الخطوات السهلة اللي تخليك تبدلها، والله بيعوضك خيراً إن شاء الله.
ـ أبو حمد: بس ما أقدر أبدلها وأنا طول عمري أغوص في بحرها وهي كل شي بحياتي، وأنا أدمنت عليها.
ـ أبو صخر: لا حول ولا قوة الا بالله، أدمنت عليها، يا بوحمد هالكلام مو زين، أنت لازم تعالج نفسك وتبدل الإدمان بأشياء مفيدة.
ـ أبو حمد: حاولت، لكن صعبة صعبة صدقني يا بو نوري.
ـ أبو صخر: نوري منو، أنا أبو صخر شفيك!! المهم أنت لازم تتخذ قرارا حازم.
ـ أبو حمد:  حازم منو؟
ـ أبو صخر: القرار يا بابا، لازم تكون شجاعا مو ضعيف أمام الشهوات.

 

ـ أبو حمد: أنا مو ضعيف، لكن… لكن العصمة بيدها!! يا بو حازم
ـ أبو صخر: عصمة شنو اللي بيدها؟؟؟ وبعدين أنا بو صخر يا بن الناس.
ـ أبو حمد: زوجتي ماقدر أبدلها العصمة بيدها.
ـ أبو صخر: الشرهة على اللي مجابلك طول اليوم… أنا أقول بدل حياتك وبدل تصرفاتك اللي مالها سنع، وخل عنك السم اللي تشربه والأماكن اللي تروحلها مو زينة والتزم بحياتك مع ربك، أنا من اليوم عبالي تقول مدمن مخدرات طلعت مدمن زوجتك يا حظي…
ـ أبو حمد: أهاااا، أنت تقصد أبدل طريقة حياتي وتصرفاتي يا بو عدنان؟
ـ أبو صخر: بسوقك بالقلم اللي أكتب فيه القصة الحين، أنا أبو صخر، وبعدين الله سبحانه بيعوضك عن كل سيئة بحسنه، ويبدل سيئاتك إلى حسنات.
ـ أبو حمد: خلاص… خلاص هالكلام هذا مهم، وطالما أم حمد ما تطلقني أنا أبدل كل شي.
ـ أبو صخر: ذبحتنا يالمخدي، أهم شي سبحانه وتعالى ما يغضب علينا ونبدل تصرفاتنا ونتوب ونكسب كثر مانقدر حسنات وتوفيق من الله….
أنت أخذ هذا الدليل أسمه ” دليل بدلها” أقراه عدل وبتعرف الخطوات الصحيحة للتبديل.
ـ أبو حمد: أي والله صاج يا بو هيثم، أنا أهم شي أكون مخلصا مع الله عز وجل، وبحاول كثر ما أقدر أتوب لله وأبدل تصرفاتي وحياتي الغلط… وينك يا بو جراح؟؟ وين رحت وخليتني !!… أدري فيك مستعجل على البورصة.

بعد عشرين سنه

يمشي أبو حمد بالطريق ويجد أبو صخر أمامه…

ـ أبو حمد: السلام عليكم يا بو فلاح شلونك وشخبارك وكيف أصبحت وكيف أمسيت وكيف نمت ؟ ( متحمس)
ـ أبو (..مفقود الإسم..): أبو فلاح أبو وحيد أهم شي أنت شلونك؟
ـ أبو حمد: أبشرك أبشرك… بدلت حياتي وبدلت زوجتي وبدلت سيارتي وبدلت….
ـ أبو صخر: بس بس شسويت أنت ؟!
ـ أبو حمد: كل شي فيه تبديل بدلته المهم أرتاح نفسياً.
ـ أبو صخر: وبيتك وزوجتك وسيارتك شدخلهم ؟!
ـ أبو حمد: أنا في البداية كان عندي الموضوع صعب، كنت أعصي ربي بكثير أفعال، والحمدلله بدلتها وقمت أصلي وأزكي وأصوم يوم كامل يابو خالد تصدق!!
ـ أبو صخر: الله يابرك لك وتصوم رمضان إن شاء الله….
ـ أبو حمد: ويوم شفت حياتي صارت أحسن، كل مابدل تصرف خطأ بتصرف صحيح، قمت أحس براحة سبحان الله، قلت يالله مره وحده خلني أبدل البيت والسيارة والمدام يمكن أرتاح أكثر…
ـ أبو صخر: لا يا بو حمد مايصير، روح رجع أم العيال وألتزم بحياتك وبيتك وعيالك…
ـ أبو حمد: أنت دايم تنصحني وأنا مادري شلون أردلك الجميل يا بو علي صراحة منحرج منك…
ـ أبو صخر: أنت قول أسمي عدل وأحنا بخير.
ـ أبو حمد: ولا يهمك يا بو صخر زين الحين ممتاز أكسلنت؟ أبو صخر… أبو صخر… أرتحت الحين يابو خالد؟
ـ أبو صخر: الحمدلله والشكر كمل كمل.
ـ أبو حمد: والحين الحمدلله ألتزمت بعباداتي وبأخلاقي وألتزامي حتى بكل التصرفات.
ـ أبو صخر: إنزين توكل على الله الحين ورد لعيالك وزوجتك وبيتك… عشان الله يرضى عنك…
ـ أبو حمد: تسلم وإن شاء الله يكتب لك الأجر على اللي تسويه عشاني… قواك الله يا بو مهند.


أضف تعليقك

الاسم
البريد
التعليق

التعليقات